ദൈവഭയമുള്ള തത്ത - God fearing parrot

ഈനാശുവേട്ടന്റെ ഭാര്യ മറിയച്ചേടത്തി പള്ളിയിൽ അച്ചനെ കാണാൻ വന്നു.

"ഈശോമിശിഹാക്ക്‌ സ്തുതിയായിരിക്കട്ടെ !!
പൊന്നച്ചോ !! വീട്ടിലെ തത്തയെകൊണ്ട് തോറ്റു !!"

"എന്ത് പറ്റി മറിയെ !!!??"

"എന്റെ ആ ഒരുമ്പെട്ട മരുമോൾ എന്നെ എപ്പളും പ്രാകും !!

"ഈ തള്ളേടെ തലേൽ ഇടിത്തീ വീഴണെ !!!" എന്ന്. ഇപ്പൊ തത്ത എന്നെ കണ്ടാൽ അപ്പൊ തൊടങ്ങും തള്ളേടെ തലേൽ ഇടിത്തീ വീഴണേന്നു പറയാൻ!! എന്ത് ചെയ്യും അച്ചോ !!!??"

"മറിയ വിഷമിക്കണ്ട ! അരമനയിൽ ഒരു തത്തയുണ്ട്. നല്ല ദൈവഭയമുള്ളവൻ. നല്ലതേ പറയൂ !! കൊറച്ചു ദിവസം വീട്ടിലേക്കു കൊണ്ട് പൊക്കോ !! മറ്റേ തത്ത കേട്ട് പഠിക്കും ! കർത്താവ് വലിയവൻ ആണ് !"

ചേടത്തി സമാധാനമായി തത്തയെന്ന കൊണ്ട് പോയി.

വീട്ടിലെത്തിയ മറിയച്ചേടത്തിയെ കണ്ടതും തത്ത മൊഴിഞ്ഞു
"ഈ തള്ളേടെ തലേൽ ഇടിത്തീ വീഴണെ !!" 

അരമന തത്ത വിട്ടുകൊടുത്തില്ല -
"കർത്താവേ ! അങ്ങീ പ്രാർത്ഥന കേൾക്കേണമേ ! ആമേൻ !"

ചേടത്തി വെട്ടിയിട്ട പോലെ ബോധം കെട്ടു വീണു !!!