കാലം പോയ പോക്ക്‌!
പഴയ കാലത്ത്‌ ദൂരയാത്ര പോയിരുന്നവരെ വഴിപറിക്കാർ തടഞ്ഞു നിർത്തി കൊള്ളയടിക്കുമായിരുന്നു. അതു തന്നെയാണു ഇപ്പോൾ ഡീസന്രായി 'ടോൾ പിരിവ്‌' എന്ന പേരിൽ നടക്കുന്നത്‌.
.............
വീട്ടിൽ ഫ്രിഡ്ജ്‌ വാങ്ങിയ ശേഷം നിത്യേന മൂന്നു തരം കറി കിട്ടുന്നു - ഇന്നുണ്ടാക്കിയത്‌, ഇന്നലെയുണ്ടാക്കിയത്‌, അതിനു മുൻപേയുണ്ടാക്കിയത്‌.
............
ജീവിച്ചു തീർന്ന കോഴിയും ജീവിക്കാൻ പോകേണ്ടിയിരുന്ന മുട്ടയും ഒരേ പ്ലെയ്റ്റിൽ ചത്തു കിടക്കുന്നതാണു ബിരിയാണി.
............
ഒന്നു ആലോചിച്ചു നോക്കിയാൽ ഈ ആലോചിക്കുന്ന ശീലമാണു എല്ലാ പ്രശ്നങ്ങൾക്കും കാരണമെന്നു തോന്നുന്നു.
…..........
ഭാരതത്തിലെ നദികൾക്കെല്ലാം സ്ത്രീകളുടെ പേരിട്ടിട്ട്‌, നദികളെ യോജിപ്പിക്കണമെന്നു പറഞ്ഞാൽ എങ്ങി നെ നടക്കാനാണു!
..............
നമ്മൾ ജീവിതത്തിൽ എന്തെങ്കിലും ചെയ്യണം എന്നു ചിന്തിക്കുമ്പോഴെല്ലാം ദൈവം ഒരു കാമുകിയെയോ ഭാര്യയെയോ തന്നിട്ടു പറയും - ആദ്യം ഇതിനൊരു പോംവഴിയുണ്ടാക്ക്‌.
.............
അന്ന് മുത്തശ്ശൻ ഭക്ഷണം കഴിച്ചു കഴിഞ്ഞാൽ മുത്തശ്ശി വെറ്റിലപാക്ക്‌ കൈയിൽ വെച്ചു കൊടുക്കുമായിരുന്നു. ഇന്നുഭക്ഷണം കഴിഞ്ഞയുടനെ അമ്മ അച്ഛന്റെ കൈയിൽ ഗുളികകൾ വെച്ചു കൊടുക്കുന്നു.
..............
ദരിദ്രനും ധനികനും തമ്മിൽ ഒരു വ്യത്യാസം മാത്രം! - ഒരാൾ നായയെപ്പോലെ അലഞ്ഞു നടന്നാൽ അയാൾ ദരിദ്രൻ.
ഒരാൾ നായയെയും കൊണ്ടു അലയുകയാണെങ്കിൽ അയാൾ ധനികൻ.
Comments
Post a Comment
നിങ്ങളുടെ അഭിപ്രായങ്ങള്‍ ഇവിടെ രേഖപെടുത്തുക